Tarif paketləri müştərinin aylıq sabit xidmət haqqı ödəməklə müəyyən bank əməliyyatlarını paketə daxil olan limit və şərtlər çərçivəsində daha sərfəli komissiyalarla həyata keçirməsinə imkan verən tarif modelidir.

Tarif paketləri müştəriyə bank əməliyyatları üzrə xərclərini əvvəlcədən planlaşdırmağa və standart tariflərlə müqayisədə komissiya xərclərinə qənaət etməyə imkan verir.

Tarif paketləri müxtəlif miqyaslı bizneslər üçün xüsusi olaraq hazırlanmışdır. Siz biznesinizin dövriyyəsinə və ehtiyaclarına uyğun tarif paketini seçərək maksimum qənaət əldə edə bilərsiniz.

Tarif paketləri ilə “PAŞA Bank Biznes” veb-platformasında tanış ola bilərsiniz.
Biznesinizə uyğun tarif paketini seçərək şərtlərlə tanış olun, qoşulmanı təsdiqləyin və tələb olunan imzalama prosesini tamamlayın. Tarif paketinin aylıq xidmət haqqı məbləği hesabdan silindikdən sonra paket aktivləşir.

Tarif paketinə qoşularkən aylıq xidmət haqqının tutulacağı hesab qeyd olunmalıdır. Hesabda kifayət qədər vəsait olduqda xidmət haqqı avtomatik tutulur.
Hesabda yetərli vəsait olmadıqda, hesabı artırdıqdan sonra “PAŞA Bank Biznes” vasitəsilə “Tariflər” bölməsinə daxil olaraq xidmət haqqının tutulması üçün sorğu göndərə bilərsiniz.

Xeyr. Tarif paketlərindən birini aktivləşdirmədiyiniz halda bank xidmətlərindən standart tariflər əsasında istifadə etməyə davam edirsiniz. Bundan əlavə, biznesinizin ehtiyaclarına uyğun olaraq “Fərdi tarif” bölməsində limitlərinizi fərdiləşdirə bilərsiniz.

Bəli. Paket haqqının tutulması üçün cari hesabda xidmət haqqının tam məbləği olmalıdır. Qismən tutulma həyata keçirilmir. Hesabda tam məbləğ olmadıqda heç bir vəsait tutulmur və siz standart tariflərlə xidmət almağa davam edirsiniz.

Paket müştərinin şərtləri təsdiqləməsi, imzalaması və xidmət haqqının tam məbləğdə uğurla tutulmasından sonra aktivləşir.

Tarif paketi 30 günlük istifadə dövrü üzrə təqdim edilir.

“PAŞA Bank Biznes” veb-platformasında və mobil tətbiqində “Tariflər” səhifəsinə keçid edərək mövcud və digər tarif paketlərinin şərtləri ilə ətraflı tanış ola bilərsiniz.

Tarif paketi aktivləşdirildikdən sonra seçilmiş paket 30 günlük istifadə dövrü üzrə təqdim edilir. Mövcud tarif paketi istənilən vaxt digər paketlə əvəz edilə bilər. Bu zaman mövcud paket üzrə limitlər sıfırlanacaqdır.

Bu halda limit bitmiş əməliyyatlar üzrə bankın standart tarifləri tətbiq olunur. Digər əməliyyatlar isə tarif paketi çərçivəsində güzəştli şərtlərlə davam edir.